Articul por Ladin Val Badia | ![]() |
Jan Batista Alton (Tita Alton) é nasciü a Calfosch ai 21 de novëmber dl 1845 y é mort a Rorëi ai 3 d’aurí dl 1900[1]. Al é sté n scritur y n linguist.
Do i stüdi a Porsenú y a Trënt s’ál laureé de filosofia a Desproch dl 1870. Al á insigné latin ti ginasi da Trënt, Praga, Viena y Rorëi. Chëstes cités aldî te chël tëmp pro l’Imper Austro-Ungarich.
Al á scrit tesć por todësch sura i lingac neolatins dles valades dles Dolomites y á spo publiché por talian y por ladin racoiüdes de poesies, proverbs y cunties: Proverbi, tradizioni ed aneddoti delle valli ladine orientali con versione italiana (Despoch,1881); Rimes ladines in pért con traduzion taliana (Desproch, 1885); Stòries e chiánties ladines con vocabolario ladin-talian metudes in rima (Desproch, 1895). Al s’á ince dé jö cun d’atri lingac romanics, dantadöt cun le franzesc antich. Te sü stüdi ál tut ite pro i cater idioms ladins encër le Sela (badiot, gherdëina, fodom y fascian) ince l’ampezan.
Al é gnü nominé retur dl Imperial Regio Ginnasio di Rovereto. Al é mort copé.